ఈ రోజు నీ పుట్టిన రోజు...!
ఈ రోజే నీ జీవితం మొదలైందంటావా..?
ఆవ గింజంత ఆకారంతో
అమ్మ కడుపులో
తొమ్మిది నెలల ముందే
మొదలైవుంటుంది నీ జీవితం...!
నమ్మవా...?
ఇది సత్యం....!
ఒడిదుడుకులు లేని
ఒద్దికైన జీవితం...!
మలినాలంటని మనస్సుతో....!
కల్మషాలంటని కాయంతో...!
హాయిగా...అమ్మ కడుపులో...!
అమ్మ జరాయువు
నీకు ఆయుష్షునిస్తే...,
నాన్న వాత్సల్యం నీ కళ్ళలో ఆత్మవిశ్వాసాన్ని నింపింది...!
ఎదుగుతున్నావ్....అందరి ప్రేమతో....!
ఎదగాలి.....!
అందరి ఎదసవ్వడిని ఏకంగా వింటూ....!
ఎవ్వరికీ అందనంత ఎత్తుగా...!
అభాగ్యులందరినీ ఆదుకునేంతగా...!
అందరి ఆకలి తీర్చేంతగా....!
అందరి కన్నీళ్ళు తుడిచేంతగా....!
అందరికి ప్రేమను పంచేంతగా...!
ఎదగాలి....ఆరోగ్యంగా...ఆనందంగా...!
నిండు నూరేళ్ళు...!
పుట్టిన రోజు శుభకాంక్షలు...!

30.05.09 ఉదయం 9.44